Psa 54 | VulgJ | STEP | in finem in carminibus intellectus David victori in psalmis eruditi David

Psalms 54

1 in finem in carminibus intellectus David ^va 2 exaudi Deus orationem meam et ne despexeris deprecationem meam ^va 3 intende mihi et exaudi me contristatus sum in exercitatione mea et conturbatus sum ^va 4 a voce inimici et a tribulatione peccatoris quoniam declinaverunt in me iniquitatem et in ira molesti erant mihi ^va 5 cor meum conturbatum est in me et formido mortis cecidit super me ^va 6 timor et tremor venit super me et contexit me tenebra ^va 7 et dixi quis dabit mihi pinnas sicut columbae et volabo et requiescam ^va 8 ecce elongavi fugiens et mansi in solitudine diapsalma ^va 9 expectabam eum qui salvum me fecit a pusillanimitate spiritus et a tempestate ^va 10 praecipita Domine divide linguas eorum quoniam vidi iniquitatem et contradictionem in civitate ^va 11 die et nocte circumdabit eam super muros eius et iniquitas et labor in medio eius ^va 12 et iniustitia et non defecit de plateis eius usura et dolus ^va 13 quoniam si inimicus maledixisset mihi sustinuissem utique et si is qui oderat me super me magna locutus fuisset abscondissem me forsitan ab eo ^va 14 tu vero homo unianimis dux meus et notus meus ^va 15 qui simul mecum dulces capiebas cibos in domo Dei ambulavimus cum consensu ^va 16 veniat mors super illos et descendant in infernum viventes quoniam nequitiae in habitaculis eorum in medio eorum ^va 17 ego autem ad Deum clamavi et Dominus salvabit me ^va 18 vespere et mane et meridie narrabo et adnuntiabo et exaudiet vocem meam ^va 19 redimet in pace animam meam ab his qui adpropinquant mihi quoniam inter multos erant mecum ^va 20 exaudiet Deus et humiliabit illos qui est ante saecula diapsalma non enim est illis commutatio et non timuerunt Deum ^va 21 extendit manum suam in retribuendo contaminaverunt testamentum eius ^va 22 divisi sunt ab ira vultus eius et adpropinquavit cor illius molliti sunt sermones eius super oleum et ipsi sunt iacula ^va 23 iacta super Dominum curam tuam et ipse te enutriet non dabit in aeternum fluctuationem iusto ^va 24 tu vero Deus deduces eos in puteum interitus viri sanguinum et doli non dimidiabunt dies suos ego autem sperabo in te Domine

^va